Xəbərlər

  • Yaradılıb 16.05.2019 10:47
  • Yenilənib 16.05.2019 17:26
  • Nəşr edilib 16.05.2019 17:00

İqtisadiyyat naziri və müavinləri vətəndaşları qəbul edəcəklər

 

İqtisadiyyat naziri Şahin Mustafayev 17 may 2019-cu il tarixində, saat 11:00-dan etibarən Tovuzda (ünvan: M.Əzizbəyov küçəsi, 1, Heydər Əliyev Mərkəzi) Şəmkir və Tovuz rayonlarından olan vətəndaşları qəbul edəcək.

Həmin gün - 17 may 2019-cu il tarixində, saat 11:00-dan etibarən İqtisadiyyat nazirinin müavini Niyazi Səfərov tərəfindən Ağstafada (ünvan: Hüseyn Arif küçəsi, 1, Heydər Əliyev Mərkəzi) Qazax və Ağstafa rayonlarından olan vətəndaşlar qəbul olunacaq.

Gədəbəydəki Heydər Əliyev Mərkəzində isə (ünvan: Heydər Əliyev prospekti, 1) İqtisadiyyat nazirinin müavini Sahib Məmmədov saat 11:00-dan başlamaqla Gədəbəy rayonundan olan vətəndaşları qəbul edəcək.

Qəbula gəlmək istəyən vətəndaşlar qeydiyyat üçün İqtisadiyyat Nazirliyinin office@economy.gov.az elektron poçt ünvanı və 493-14-56, 310-28-00 (daxili 21-79) və (055) 245-00-28 nömrəli telefonlar (əlaqələndirici şəxs Elşən Abbaszadə), Nazirliyin 195-2 Çağrı Mərkəzi, həmçinin Nazirliyin Gəncə-Qazax regional bölməsi (Ünvan: Gəncə şəhəri, Heydər Əliyev Meydanı, İnzibati bina, əlaqələndirici şəxs Arzu Hacıyev, əlaqə telefonu: (022) 256 02 32, mobil (050) 395 91 97, elektron poçt ünvanı: arzu.haciyev@economy.gov.az) vasitəsilə müraciət edə bilərlər.

Bununla yanaşı, vətəndaşlar Nazirliyin internet səhifəsində xüsusi olaraq yaradılmış "İqtisadiyyat nazirinin şəhər və rayonlarda keçirilən qəbulu üçün müraciət" bölməsi və facebook vasitəsilə də qəbula yazıla bilərlər.

 

← Geriyə