Ümumi məlumat

Dövlət-özəl tərəfdaşlığı – dövlət xidmətlərinin göstərilməsi, həmin xidmətlərin göstərilməsi ilə bağlı infrastrukturun yaradılması və idarə edilməsi üçün dövlətlə özəl tərəfdaş arasında bağlanılan müqaviləyə əsaslanan birgə fəaliyyətdir. Azərbaycanda 2022-ci ildə "Dövlət-özəl tərəfdaşlığı haqqında" Qanun qəbul edilib. Bu qanun dövlət və özəl sektor arasında əməkdaşlığın hüquqi çərçivəsini müəyyən edir.

• Dövlət vəsaitlərindən istifadənin səmərəliliyinin artırılması
• Dövlət xidmətlərinin səmərəliliyi, keyfiyyəti və əlçatanlığının artırılması
• Müvafiq iqtisadi fəaliyyət sahələrində dayanıqlı inkişafın stimullaşdırılması
• Özəl sərmayə, o cümlədən birbaşa xarici investisiya axınının gücləndirilməsi
• Yeni iş yerlərinin yaradılması və regionlarda davamlı iqtisadi inkişafın təşviqi
• Rəqabətqabiliyyətli məhsulların ixracının stimullaşdırılması
• Sosial-iqtisadi və biznes məqsədlərinə xidmət edən infrastrukturun yaradılmasının və saxlanmasının dəstəklənməsi

Dövlət-özəl tərəfdaşlığı modeli çərçivəsində layihələrin həyata keçirilməsi üçün 2027-ci il üzrə potensial sahələr aşağıdakı kimi müəyyənləşdirilib:

• Su və tullantıların idarə olunması;
• Ətraf mühit və ekologiya;
• Nəqliyyat və daşımalar;
• Təhsil;
• Səhiyyə;
• Sosial infrastruktur;
• Qida və kənd təsərrüfatı.