Hacıqabul Sənaye Parkının yeni qeydiyyata alınan rezidenti tərəfindən 9,4 milyon manatdan çox investisiya yatırılacaq.
“Ese Agro” QSC-yə İqtisadiyyat Nazirliyinin tabeliyində İqtisadi Zonaların İnkişafı Agentliyinin idarəçiliyində olan Hacıqabul Sənaye Parkının rezidenti statusu verilib.
Şirkət tərəfindən Sənaye Parkının ərazisində alma və nar konsentratlarının emalı, eləcə də nar şirəsinin istehsalı zavodunun qurulması nəzərdə tutulur.
İnvestisiya dəyəri 9,4 milyon manat olan layihə çərçivəsində 15 nəfər daimi işlə təmin ediləcək.
Müəssisədə istehsal olunacaq məhsulların daxili bazarda satışı ilə yanaşı, ixracı da planlaşdırılır.
