Nazirlər Kabineti tərəfindən 2026-cı il üzrə təsdiq edilmiş layihələr

Layihənin həyata keçirilməsində məqsəd: İnnovasiya ekosistemini dəstəkləmək üçün insan kapitalını inkişaf etdirmək, yeni elmi nailiyyətlər qazanmaq üçün tədqiqatları təkmilləşdirmək, biliyin təcrübədə tətbiqi üçün akademiya-sənaye əməkdaşlığını təşviq etmək, həmçinin bilik iqtisadiyyatı üzrə iş yerləri yaratmaq məqsədilə Bakı şəhəri, Xətai rayonu, Kazımağa Kərimov 221 ünvanında (“Ağ şəhər” ərazisində) Yüksək Texnologiyalar Parkının tikilməsi və idarə edilməsi.

Layihənin müddəti: Özəl tərəfdaş tərəfindən parkın tikilməsi, 30 il müddətinə idarə edilməsi və Azərbaycan Respublikasının Elm və Təhsil Nazirliyinə həvalə edilməsi nəzərdə tutulur.

Layihənin hazırkı statusu: Layihə 3 mərhələdən ibarətdir. Artıq 1-ci mərhələnin icrasına başlanılıb. Layihənin 2-ci və 3-cü mərhələlərinin dövlət-özəl tərəfdaşlığı çərçivəsində icrası planlaşdırılır.

Qeyd: Layihəyə dair ətraflı məlumat texniki-iqtisadi əsaslandırma sənədlərinə əsasən tərtib olunacaq şərtlər toplusunda əks etdiriləcəkdir.

Layihəyə maraq göstərən potensial investorların müraciət formasını doldurub 60 iş günü ərzində ppp@economy.gov.az email ünvanına göndərmələri xahiş olunur.

Layihənin həyata keçirilməsində məqsəd: Lənkəran şəhəri və ətraf bölgələrin tullantılarının yığılması, çeşidlənməsi və emalı prosesini mərkəzləşdirməklə yanaşı, əlavə xammal bazarının formalaşdırılmasına, təkrar emal bazarının genişləndirilməsinə, bu sahədə emal və istehsal müəssisələrinin yaradılmasına, müasir texnologiyaların tətbiqinə və əhalinin məşğulluq səviyyəsinin artırılmasına xidmət etmək.

Bunun üçün Lənkəran Şəhər İcra Hakimiyyətinin bazasında ayrılmış 55 hektar torpaq sahəsində köçürmə məntəqələri və sanitar poliqonun salınması nəzərdə tutulur.

Layihənin müddəti: Özəl tərəfdaş tərəfindən köçürmə məntəqələri və poliqonun salınması, 20 il müddətinə idarə edilməsi və sonra Azərbaycan Respublikası Ekologiya və Təbii Sərvətlər Nazirliyinə həvalə edilməsi nəzərdə tutulur.

Layihənin hazırkı statusu: Layihənin icrasına başlanılmayıb.

Qeyd: Layihəyə dair ətraflı məlumat texniki-iqtisadi əsaslandırma sənədlərinə əsasən tərtib olunacaq şərtlər toplusunda əks etdiriləcəkdir.

Layihəyə maraq göstərən potensial investorların müraciət formasını doldurub 60 iş günü ərzində ppp@economy.gov.az email ünvanına göndərmələri xahiş olunur.

Layihənin həyata keçirilməsində məqsəd: Qida təhlükəsizliyinin təmin olunması məqsədilə yararsız, vaxtı ötmüş qida və yem məhsullarının, heyvan cəsədlərinin və bioloji tullantıların utilizasiyası, ətraf mühitin çirklənməsinin qarşısının alınmasına, gigiyena və sanitar vəziyyətin yaxşılaşdırılmasına töhfə vermək.

Layihənin müddəti: Özəl tərəfdaş tərəfindən utilizasiya mərkəzlərinin tikilməsi, 22 il müddətinə idarə edilməsi və sonra mərkəzin Azərbaycan Respublikasının Qida Təhlükəsizliyi Agentliyinə həvalə edilməsi nəzərdə tutulur.

Layihənin hazırkı statusu: Layihənin icrasına başlanılmayıb.

Qeyd: Layihəyə dair ətraflı məlumat texniki-iqtisadi əsaslandırma sənədlərinə əsasən tərtib olunacaq şərtlər toplusunda əks etdiriləcəkdir.

Layihəyə maraq göstərən potensial investorların müraciət formasını doldurub 60 iş günü ərzində ppp@economy.gov.az email ünvanına göndərmələri xahiş olunur.

Layihənin həyata keçirilməsində məqsəd: Hövsan aerasiya qurğusuna axıdılan tullantı suların təmizlənməsi və təmizlənmiş suyun təkrar istifadəsini təmin etmək.

Əlavə olaraq, layihə tullantı suların təkrar istifadəsi üçün infrastrukturun qurulmasını və Hövsan aerasiya (ÇSTQ) qurğusunun, həmçinin təkrar istifadə infrastrukturunun istismarı və saxlanmasını ehtiva edə bilər.

Layihənin müddəti: Özəl tərəfdaş tərəfindən Hövsan aerasiya qurğusunun təmiri və çirkab suların təkrar emalı ilə bağlı yeni qurğuların quraşdırılması, 25 il müddətinə idarə edilməsi və sonra Azərbaycan Dövlət Su Ehtiyatları Agentliyinə həvalə edilməsi nəzərdə tutulur.

Layihənin hazırkı statusu: Layihənin icrasına başlanılmayıb.

Qeyd: Layihəyə dair ətraflı məlumat texniki-iqtisadi əsaslandırma sənədlərinə əsasən tərtib olunacaq şərtlər toplusunda əks etdiriləcəkdir.

Layihəyə maraq göstərən potensial investorların müraciət formasını doldurub 60 iş günü ərzində ppp@economy.gov.az email ünvanına göndərmələri xahiş olunur.

Layihənin həyata keçirilməsində məqsəd: Regionda sistemli və inteqrasiya edilmiş turizm mərkəzinin formalaşdırılması, azad bazar və rəqabət şəraitində biznesin inkişafı, resurslardan səmərəli istifadənin təmin edilməsi, turizm xidmətlərinə əlçatanlığın artırılması, kiçik və orta biznesin, həmçinin yerli icmanın regiona qayıdışının təşviqi.Bu istiqamət üzrə 5 ərazidə turizm və rekreasiya zonasının yaradılması təklif olunur:

• İstisu qəsəbəsi və ətrafında olan 843,95 hektar sahədə İstisu turizm və rekreasiya zonası (müalicəvi turizm);
• Zülfüqarlı kəndi yaxınlığında olan termal-mineral su resurslarının ətrafındakı 162 hektar ərazidə Zülfüqarlı turizm və rekreasiya zonası (müalicəvi turizm);
• Zod Aşırımı-Seyidlər-Dəmirçidam regionundakı 1625 hektar ərazidə Dəmirçidam turizm və rekreasiya zonası (dağ-xizək turizmi);
• İstisu qəsəbəsinin cənubundakı 1066 hektar ərazidə Sultan Heydər turizm və rekreasiya zonası (dağ-xizək turizmi);
• Kəlbəcər rayonundan 20 km məsafədə - Tutqunçayın Tərtərçayla birləşdiyi yerdə, kanyonların olduğu ərazilərdən başlayaraq 712,7 hektar ərazidə Vəng turizm və rekreasiya zonası (istirahət və aktiv turizm).

Layihənin müddəti: Özəl tərəfdaş tərəfindən turizm-rekreasiya (istirahət) zonasının yaradılması, 30 il müddətinə idarə edilməsi və sonra Azərbaycan Respublikasının Dövlət Turizm Agentliyinə həvalə edilməsi nəzərdə tutulur.

Layihənin hazırkı statusu: Layihənin icrasına başlanılmayıb.

Qeyd: Layihəyə dair ətraflı məlumat texniki-iqtisadi əsaslandırma sənədlərinə əsasən tərtib olunacaq şərtlər toplusunda əks etdiriləcəkdir.

Layihəyə maraq göstərən potensial investorların müraciət formasınıdoldurub 60 iş günü müddətində ppp@economy.gov.az email ünvanına göndərmələri xahiş olunur.

Layihənin həyata keçirilməsində məqsəd: Azərbaycanın tranzit imkanlarının artırılması, beynəlxalq avtomobil yükdaşımaları infrastrukturunun təkmilləşdirilməsi, bu sahədə qabaqcıl təcrübədən istifadə, yükdaşımaların təhlükəsizliyinin təşviqi məqsədilə ölkə ərazisində yük avtonəqliyyat parklarının (TIR parklarının) yaradılması.

TIR parklarının aşağıdakı ərazilərdə tikilməsi planlaşdırılır:

17 yeni və ya əsaslı yenidən qurulması təklif olunan TIR Park:

360 yerlik, platin təhlükəsizlik səviyyəli 2 TIR Park (Gürcüstan və Rusiya sərhədində);

150 yerlik, gümüş təhlükəsizlik səviyyəli 4 TIR Park (Astara, Biləsuvar və Balakən rayonlarında sərhəddə, Yevlax rayonunda M2 və M5 yollarının kəsişməsinə yaxın);

50 yerlik, bürünc təhlükəsizlik səviyyəli 11 TIR Park (M1 yolunda – 1; M2 yolunda – 3; M3 yolunda – 2; M4 yolunda – 2; M5 yolunda – 1; M6 yolunda – 2).

Layihənin müddəti: Özəl tərəfdaş tərəfindən TIR parklarının yaradılması, 25 il müddətinə idarə edilməsi və sonra Rəqəmsal İnkişaf və Nəqliyyat Nazirliyinə həvalə edilməsi nəzərdə tutulur.

Layihənin hazırkı statusu: Layihənin icrasına başlanılmayıb.

Qeyd: Layihəyə dair ətraflı məlumat texniki-iqtisadi əsaslandırma sənədlərinə əsasən tərtib olunacaq şərtlər toplusunda əks etdiriləcəkdir.

Layihəyə maraq göstərən potensial investorların müraciət formasını doldurub 60 iş günü ərzində ppp@economy.gov.az email ünvanına göndərmələri xahiş olunur.