Xarici investisiyanın cəlb olunması üçün potensial sahələr
SƏNAYE SAHƏSİ
Kimya, metallurgiya və energetika sənayeləri
nisbətən az enerji və su tutumlu yerli istehlak və ixrac yönümlü polimer materialların istehsalı;
yerli istehlak və ixrac yönümlü qara metallurgiya məhsullarının istehsalı;
əlvan metal və qırıntılarından yerli istehlak və ixrac yönümlü son məhsul istehsalı (alüminium oksidləri və emal olunmuş alüminium, mis, qızıl, gümüş, platin və s.);
parfumeriya məhsullarının istehsalı;
poliüretan məhsullarının istehsalı;
alternativ və bərpa olunan enerji mənbələrindən enerji istehsalında istifadə olunan müxtəlif növ avadanlıqların istehsalı;
bərk məişət tullantılarının təkrar emalı müəssisələri;
energetika avadanlıqlarının istehsalı;
plastik qab istehsalı;
kommunal təsərrüfat avadanlıqlarının istehsalı.
Maşınqayırma sənayesi və tikinti materiallarının istehsalı
mövcud maşınqayırma müəssisələrinin özəlləşdirilməsinə müasir texnologiyalar və müvafiq nou-hauya malik xarici investorların cəlb edilməsi;
dəmir yolu və metropolitendə istifadə olunan vaqon, lokomotiv, eskalatorlar üçün ehtiyat hissələrinin hazırlanması və təmiri müəssisələri;
avtomobil nəqliyyat üçün ehtiyat hissələrinin hazırlanması və təmiri müəssisələri;
inşaat materiallarının istehsalı;
tibbi cihazlar və avadanlıqların istehsalı;
məişət texnikasının istehsalı.
Yeyinti və yüngül sənaye
pambıq və pambıq məhsullarının emalı;
yun emalı;
gön-dəri emalı;
baramaçılıq təsərrüfatlarının yaradılması;
yerli xammala əsaslanan toxuculuq və tikiş məhsullarının istehsalı;
əl ilə toxunan xalçalar;
yüksək keyfiyyətli ayaqqabı istehsalı;
ağac emalı və mebel istehsalı;
tarixi-mədəni, milli-tətbiqi sənətkarlıq məhsullarının istehsalı (milli suvenirlər, hədiyyələr, mis qablar və s.);
məhsulların qablaşdırılması üçün tara və avadanlıqlar istehsalı;
ərzaq məhsullarının istehsalı;
kənd təsərrüfatı məhsullarının emalı.
AQRAR SAHƏ
Aqrar sektorun maddi-texniki bazası
kənd təsərrüfatı məhsullarının uzunmüddətli saxlanılması məqsədilə regionlarda soyuducu kameralar, anbarlar, elevatorlar və s. ilə bağlı layihələr;
kənd təsərrüfatı texnikası və ehtiyat hissələrinin, gübrələrin və bitki mühafizəsi vasitələrinin, baytarlıq preparatlarının istehsalı;
heyvandarlıq və quşçuluq sənayesinin tələbatını təmin etmək üçün müasir tipli yem emalı müəssisələrinin tikintisi və məhsul istehsalı;
cins heyvanların yetişdirilməsi üzrə təsərrüfatlar;
quşçuluq, damazlıq quşçuluq;
arıçılıq;
balıqçılıq;
damazlıq və südlük istiqamətli iribuynuzlu heyvandarlıq təsərrüfatlarının yaradılması.
İKT SAHƏSİ
milli telekommunikasiya peykinin orbitə çıxarılması, kosmik sənayenin inkişaf etdirilməsi istiqamətində dövlət və özəl sektor arasında əməkdaşla xarici investorların cəlb edilməsi;
İKT məhsullarının istehsalı;
rəqəmsal yayımverici və qəbuledici avadanlıqların istehsalı;
kompüter texnologiyaları;
elm və texnologiyaya əsaslanan informasiya sahələri.
