Sumqayıt Kimya Sənaye Parkının yeni rezidenti tərəfindən Sənaye Parkına 58,9 milyon manat investisiya yatırılacaq, 160 nəfər işlə təmin ediləcək.
İqtisadiyyat Nazirliyinin tabeliyində İqtisadi Zonaların İnkişafı Agentliyinin idarəçiliyində olan Sumqayıt Kimya Sənaye Parkında “AZPAL” QSC-yə rezidentlik statusu verilib, bununla da Sənaye Parkının rezidentlərinin sayı 37-yə çatıb.
“AZPAL” QSC tərəfindən Sənaye Parkının 7 hektar ərazisində texniki (metallurji) silisium istehsalı layihəsi həyata keçiriləcək. Layihə çərçivəsində ferrosilisium və rafinə edilmiş ferrosilisium (FS75) məhsulları istehsal ediləcək.
İnvestisiya həcmi 58,9 milyon manat olan müəssisədə 160 nəfər işlə təmin ediləcək. Zavodda istehsal edilən məhsulların daxili bazarda satışı ilə yanaşı, ixracı da nəzərdə tutulur.
Sentyabr 17, 2026 14:40
“Baku ID 2026” çərçivəsində “4Sİ Akademiyası – Milli Proqram” iştirakçıları mükafatlandırılıb
Sentyabr 17, 2026 14:32
“Baku ID 2026” çərçivəsində “Azərbaycan Bacarıqlar Akseleratoru” üzrə panel müzakirəsi keçirilib
Sentyabr 16, 2026 12:34
2027-ci il üzrə dövlət-özəl tərəfdaşlığı layihələrinin siyahısı təsdiq edilib
