Gənclərin bilik və bacarıqlarının artırılması, əmək vərdişlərinin formalaşdırılması məqsədilə bir qrup ASAN könüllüsü İqtisadiyyat Nazirliyində könüllülük fəaliyyətinə cəlb edilib. Könüllülər iki ay müddətində Nazirliyin struktur bölmələrində müxtəlif tapşırıqlar icra edib, dövlət qulluğu prinsipləri ilə tanış olub, iş təcrübəsi qazanıblar.
Könüllülük fəaliyyətini başa vurmuş ASAN könüllülərinə sertifikatlar təqdim edilib.
Bununla əlaqədar keçirilən tədbirdə ASAN könüllülük təcrübəsinin öyrənilməsi, gənclərin sosial məsuliyyət hissinin artırılması və onların potensialından səmərəli istifadənin önəmi vurğulanıb.
