Yanvarın 21-dən etibarən mikro və kiçik sahibkarlıq subyektləri ticarət şəbəkələrinə çıxışa dəstək üçün İqtisadiyyat Nazirliyinin tabeliyində Kiçik və Orta Biznesin İnkişafı Agentliyinə (KOBİA) müraciət edə bilərlər.
Müraciətlər Agentliyə elektron qaydada təqdim olunmalıdır. Müvafiq müraciət forması KOBİA-nın rəsmi internet səhifəsində yerləşdirilib: https://bit.ly/3nJCSaA
Qeyd edək ki, Azərbaycan Respublikası Prezidentinin 1 dekabr 2021-ci il tarixli Fərmanı ilə "Mikro və kiçik sahibkarlıq subyektlərinin istehsal etdikləri məhsulların ticarət şəbəkələrində satışının genişləndirilməsinə dəstək Qaydası" təsdiq edilib. Qaydaya əsasən dəstək KOBİA tərəfindən təmin ediləcəkdir.
Dəstəkdən mikro və kiçik sahibkarlar istifadə edə bilərlər. Bu dəstək çərçivəsində ticarət obyektində sahibkarın istifadəsinə veriləcək satış yerinin ölçüsü 50 sm, məhsulların satış sahəsində yerləşdirilməsi müddəti isə 3 aydır. Mikro sahibkarlıq subyekti onun istifadəsinə verilən satış sahəsinə görə icarə haqqının 20%-ni, kiçik sahibkarlıq subyekti isə 50%-ni ödəyəcəkdir.
KOBİA tərəfindən ticarət obyektlərində icarəyə götürülən və mikro və kiçik sahibkarlara təklif ediləcək satış yerləri barədə məlumatlar Agentliyin rəsmi internet səhifəsində (www.smb.gov.az) yerləşdiriləcək.
Dəstəkdən faydalanacaq sahibkarların seçilməsi zamanı aşağıdakı meyarlar nəzərə alınacaqdır:
Ətraflı məlumat üçün: 131 Çağrı Mərkəzi.
