Azərbaycan Respublikasının İqtisadiyyat Nazirliyi ilə Qvineyanın Planlaşdırma, Beynəlxalq Əməkdaşlıq və İnkişaf Nazirliyi arasında Anlaşma Memorandumu imzalanıb.
İslam İnkişaf Bankı (İİB) Qrupunun İllik Toplantıları çərçivəsində Azərbaycan Respublikasının iqtisadiyyat naziri Mikayıl Cabbarov Qvineya Respublikasının planlaşdırma, beynəlxalq əməkdaşlıq və inkişaf naziri İsmael Nabe və infrastruktur naziri Fasine Silla ilə görüşüb.
Görüşdə Azərbaycan ilə Qvineya arasında ikitərəfli iqtisadi əməkdaşlığın mövcud vəziyyəti və inkişaf perspektivləri müzakirə olunub. Tərəflər iqtisadi əlaqələrin müqavilə-hüquq bazasının genişləndirilməsi və biznes tərəfdaşlığının potensial imkanlarının reallaşdırılması məsələlərini nəzərdən keçiriblər.
Görüş çərçivəsində iqtisadi əməkdaşlığın inkişafı istiqamətində Azərbaycan Respublikasının İqtisadiyyat Nazirliyi ilə Qvineyanın Planlaşdırma, Beynəlxalq Əməkdaşlıq və İnkişaf Nazirliyi arasında Anlaşma Memorandumu imzalanıb.
Qeyd edək ki, sənədin icrası ticarət, investisiya və texnologiya sahələrində əməkdaşlığın genişləndirilməsinə, eləcə də davamlı və inklüziv inkişaf təşəbbüslərinin dəstəklənməsinə mühüm töhfə verəcək.
Sentyabr 17, 2026 14:40
“Baku ID 2026” çərçivəsində “4Sİ Akademiyası – Milli Proqram” iştirakçıları mükafatlandırılıb
Sentyabr 17, 2026 14:32
“Baku ID 2026” çərçivəsində “Azərbaycan Bacarıqlar Akseleratoru” üzrə panel müzakirəsi keçirilib
Sentyabr 16, 2026 12:34
2027-ci il üzrə dövlət-özəl tərəfdaşlığı layihələrinin siyahısı təsdiq edilib
