İqtisadiyyat Nazirliyində 2021-ci ildə təşkil edilmiş "Uğur yolu" müsabiqəsinin qalibləri "PwC" şirkətinin Azərbaycandakı nümayəndəliyinin rəhbəri və idarəedici partnyoru olan Mövlan Paşayevlə görüşüblər. Mövlan Paşayev dünyada peşəkar audit, vergi, hüquq və məsləhət xidmətləri göstərən ən böyük şəbəkələrdən olan "PwC" şirkətinin fəaliyyəti barədə məlumat verib, idarəçilik təcrübəsini bölüşüb, iştirakçıların suallarını cavablandırıb.
Görüşdə İqtisadiyyat Nazirliyində keçirilən "Uğur yolu" karyera inkişafı proqramı, müsabiqənin əhəmiyyəti, əməkdaşların peşəkarlıq səviyyəsinin artırılmasında, karyera inkişafında yaratdığı imkanlardan bəhs edilib.
