Azərbaycanda aparılan siyasi-iqtisadi islahatlar nəticəsində partiyalarla sağlam dialoq mühiti daha da təkmilləşdirilir, siyasi plüralizm ənənələri inkişaf edir.
Dövlət başçısının tapşırıqlarına uyğun olaraq, iş prosesi üçün daha əlverişli şəraitin yaradılması, fəaliyyət imkanlarının genişləndirilməsi məqsədilə siyasi partiyalar dövlət mülkiyyətində olan qeyri-yaşayış sahələri ilə təmin olunur.
Bu prosesin davamı olaraq, sentyabrın 20-də İqtisadiyyat Nazirliyi yanında Əmlak Məsələləri Dövlət Xidməti tərəfindən Azad Vətən Partiyasına və Yeni Yol Partiyasına ofis sahəsi təqdim edilib. Partiya nümayəndələri fəaliyyət göstərəcəkləri ofislə tanış olublar.
