İqtisadiyyat Nazirliyində keçirilən görüşdə dayanıqlı inkişaf, yaşıl enerji, rəqəmsal transformasiya və regional əlaqəlilik sahələrində əməkdaşlıq perspektivləri barədə fikir mübadiləsi aparılıb.
İqtisadiyyat nazirinin müavini Anar Axundov BMT-nin Baş katibinin müavini, Qərbi Asiya üzrə İqtisadi və Sosial Komissiyanın (ESCWA) icraçı katibi Rania Al-Mashat ilə görüşüb.
Görüşdə Azərbaycanın BMT və onun regional komissiyaları ilə tərəfdaşlığının əhəmiyyəti vurğulanıb, “ESCWA” ilə dialoqun inkişafı və praktiki əməkdaşlıq imkanları nəzərdən keçirilib. Ölkəmizdə həyata keçirilən sosial-iqtisadi islahatlar və Dayanıqlı İnkişaf Məqsədlərinə (DİM) nail olunması istiqamətində görülən işlər barədə məlumat verilib.
Tərəflər DİM-in maliyyələşdirilməsi, yaşıl enerjiyə keçid, iqtisadiyyatın şaxələndirilməsi, rəqəmsal iqtisadiyyat, nəqliyyat və ticarət əlaqəliliyinin gücləndirilməsi üzrə təcrübə mübadiləsi imkanlarını müzakirə ediblər.
