Almaniya Beynəlxalq Əməkdaşlıq Cəmiyyəti

Təşkilatın adı

Almaniya Beynəlxalq Əməkdaşlıq Cəmiyyəti

Təşkilata dair ümumi məlumat

· Almaniya Beynəlxalq Əməkdaşlıq Cəmiyyəti (GIZ) 1 yanvar 2011-ci il tarixində 1975-ci ildən fəaliyyət göstərən Almaniya Texniki Əməkdaşlıq Cəmiyyətinin (GTZ) bazasında yaradılmışdır;

· Baş ofisi Almaniyanın Bonn və Eşborn şəhərlərində yerləşir;

· İdarə heyətinin rəhbəri İnqrid-Qabriela Hovendir;

· GIZ Afrika, Asiya, Latın Amerikası, Aralıq dənizi ətrafı və Yaxın Şərq ölkələri, habelə Avropa, Qafqaz və Orta Asiya regionundakı 130 ölkədə fəaliyyət göstərir və 87 ölkədə nümayəndəliyə malikdir.

Azərbaycan ilə əməkdaşlıq barədə məlumat

· GIZ Almaniya Federal İqtisadi Əməkdaşlıq və İnkişaf Nazirliyi adından 1995-ci ildən indiyədək Azərbaycanla sıx əməkdaşlıq edir;

· Azərbaycanda GIZ-in layihə əlaqələndirmə ofisi 2007-ci ildən fəaliyyət göstərir;

· Təşkilatın ölkə üzrə direktoru xanım Sandra Şenkedir.

· Hazırda GIZ tərəfindən Azərbaycanda əsasən idarəetmə və iqtisadi inkişaf, peşə təhsili, enerji və ətraf mühit istiqamətlərini əhatə edən 4 layihə icra edilir.

• Cari layihələr:

- Menecerlərin Təlimi Proqramı;

- Cənubi Qafqazda məcburi köçkünləri və əhalinin həssas təbəqəsinin iqtisadi inteqrasiyası layihəsi;

- Dövlət İdarəçiliyi İslahatları üzrə Şərq Tərəfdaşlığı Regional Fondu II;

- Avropa İttifaqı tərəfindən Şərq Tərəfdaşlığı ölkələrində kiçik və orta müəssisələrin rəqəmsal transformasiyası.