Asiya İnkişaf Bankı

Təşkilatın adı

Asiya İnkişaf Bankı (ADB)

Təşkilata dair ümumi məlumat

· Asiya İnkişaf Bankı (AİB) 1966-cı ildə yaradılmışdır. Baş ofisi Filippinin Manila şəhərində yerləşir. Yaponiya Bankın ən iri səhmdarı olduğu üçün Bankın prezidenti daima Yaponiya təmsilçisi olur;

· 2025-ci ilin fevral ayından etibarən təşkilata Masato Kanda rəhbərlik edir;

· Asiya İnkişaf Bankını maliyyələşdirən 68 üzv ölkə vardır ki, bunlardan 49-u Asiya və Sakit Okeanı regionunda yerləşir.

Azərbaycan ilə əməkdaşlıq barədə məlumat

· Azərbaycan AİB-ə 29 oktyabr 1999-cu il tarixində üzv olmuş və təşkilatın ölkəmizdəki nümayəndəliyi 2004-cü ilin noyabr ayından etibarən fəaliyyət göstərir;

· Sunniya Durrani-Camal Bankın Azərbaycandakı Daimi Nümayəndəliyinin rəhbəridir;

· Hazırda, AİB tərəfindən 10 texniki yardım layihəsi həyata keçirilir;

• Cari layihələr:

- İqtisadi Diversifikasiya Sektorunun İnkişafı Proqramının Müasirləşdirilməsi üzrə Peşə Təhsili və Təlimin Hazırlanması;

- Dövlət sektorunda idarəetmə islahatına dəstək;

- Dəmiryolu Tranziti Əməliyyatlarına və İnvestisiya Planlaşdırılmasına Dəstək;

- Azərbaycan Dövlət - Özəl Tərəfdaşlığının İnkişafı Mərkəzi və Layihələrin İnkişafı Fondunun dəstəklənməsi;

- COP29-la bağlı bacarıqların inkişafı;

- Dəmir yolu sektorunun rəqəmsallaşdırılması üçün bacarıqların artırılması;

- “Bakı Yaşıl Dəhliz Təhlilinin Dəstəklənməsi” kiçikmiqyaslı texniki yardım layihəsi;

- “Azərbaycan Dəmir Yolları” QSC-nin Dekarbonizasiya Layihəsinin Hazırlanması;

- İstilik təchizatı sektorunun dekarbonizasiyası və bərpa olunan mənbələrdən istilik enerjisinin inteqrasiyasının təşviqi;

- Bakı Metropoliteninin Genişləndirilməsi Layihəsinə Dəstək. AİB-in Mərkəzi Asiya Regional İqtisadi Əməkdaşlıq (CAREC) Proqramı çərçivəsində 11 regional texniki yardım layihəsi həyata keçirilir.