İsveçrə İnkişaf və Əməkdaşlıq Agentliyi

Təşkilatın adı

İsveçrə İnkişaf və Əməkdaşlıq Agentliyi

Təşkilata dair ümumi məlumat

·         İsveçrə İnkişaf və Əməkdaşlıq Agentliyi (SDC) 1960-cı ildə Texniki Əməkdaşlıq Xidməti adı altında yaradılmış və 1996-cı ildən etibarən hazırkı adı ilə fəaliyyət göstərir;

·         Təşkilat İsveçrə Konfederasiyasının Xarici İşlər üzrə Federal Departamentinin strukturunda fəaliyyət göstərir və əsas məqsədi tərəfdaş ölkələrdə yoxsulluğun azaldılması istiqamətində humanitar, texniki və maliyyə yardımı göstərməkdir;

·         Təşkilatda hazırda Baş direktor vəzifəsini 1 may 2020-ci il tarixindən Patrisia Danzi tutur;

·         1 yanvar 2020-ci ildən etibarən İsveçrə Əməkdaşlıq Ofisinin Cənubi Qafqaz üzrə Regional direktorunun müavini Alberto Hernandezdir;

·         Təşkilatın əsas fəaliyyət istiqamətləri Dayanıqlı İnkişaf Məqsədlərinə və yoxsulluğun azaldılmasına nail olunması, insan həyatının təhlükəsizliyinin təşviq edilməsi və risklərin azaldılması və inkişafa dəstək verilməsidir.

Azərbaycan ilə əməkdaşlıq barədə məlumat

·         SDC-nin Azərbaycan Respublikasında fəaliyyəti 1990-cı illərin əvvəllərində humanitar yardım formasında olmuşdur;

·         Təşkilatın Cənubi Qafqaz üzrə regional ofisi 1996-cı ildə Gürcüstanda açılmış, 2002-ci ildən sözügedən Ofisin Bakı bölməsi fəaliyyətə başlamışdır;

·         Əsas fəaliyyət istiqaməti yoxsulluğun azaldılması və müharibədən əziyyət çəkmiş qaçqın və məcburi köçkünlər arasında məşğulluğun artırılması və layiqli həyat şəraitinin təmin olunmasıdır.