|
Təşkilatın adı |
BMT-nin Beynəlxalq Ticarət Hüququ üzrə Komissiyası (UNCITRAL) |
|
Təşkilata dair ümumi məlumat |
· Yaranma tarixi: 1966-cı ildə. · Qərargahı Avstriyanın Vyana şəhərində yerləşir. · Üzvlərin sayı: 53 üzv dövlət və 9 assosiativ üzv. · Məqsədi: Beynəlxalq ticarət qaydalarının modernləşdirilməsi və harmonizasiyasını həyata keçirmək · Fəaliyyət istiqamətləri: bu sahədə fəaliyyət göstərən təşkilatların işini əlaqələndirmək və aralarında əməkdaşlığı təşviq etmək, mövcud beynəlxalq konvensiyalarda daha geniş iştirakın, model və vahid qanunların daha geniş qəbul edilməsinin təşviqi, yeni beynəlxalq konvensiyaların, vahid qanunların hazırlanması və ya təşviq edilməsi, beynəlxalq ticarət şərtlərinin, müddəalarının, adətlər və təcrübələrinin kodlaşdırılmasını və daha geniş qəbul edilməsini təşviq etmək, lazım olduqda, bu sahədə fəaliyyət göstərən təşkilatlarla əməkdaşlıq, beynəlxalq ticarət hüququ sahəsində beynəlxalq konvensiyaların və vahid qanunların vahid təfsirinin və tətbiqinin təmin edilməsi yollarının və vasitələrinin təbliği, beynəlxalq ticarət hüququ sahəsində məhkəmə hüququ da daxil olmaqla milli qanunvericilik və müasir hüquqi yeniliklər barədə məlumatların toplanması və yayılmasıdır. · Üzv dövlətlər BMT-nin Baş Assambleyası tərəfindən 6 il müddətinə seçilir, üzvlərin yarısının səlahiyyət müddəti hər 3 ildən bir başa çatır. · Təşkilatın iş qaydası: 3 səviyyədə təşkil olunmuşdur o 1-ci səviyyədə illik plenar iclasları keçirən Komissiyanın özü; o 2-ci səviyyədə UNCITRAL-ın iş proqramının mövzularını hazırlayan hökumətlərarası işçi qruplar; o 3-cü səviyyədə Komissiya və işçi qrupların fəaliyyətinə kömək edən Katiblik. |
|
Azərbaycan ilə əməkdaşlıq barədə məlumat |
· Hal-hazırda Azərbaycan müşahidəçi statusuna malikdir. Müşahidəçi ölkə sənədlərin mətninin razılaşdırılmasında iştirak edir, bununla belə qərarın qəbul edilməsinə etiraz edə bilməzlər; · İqtisadiyyat Nazirliyinin, eləcə də Nazirliyin tabeliyində qurumların əməkdaşları tərəfindən UNCITRAL-ın müvafiq İşçi Qruplarının iclaslarında iştirak təmin edilir. |
