İqtisadiyyat nazirinin müavini Sahib Məmmədov Avropa Yenidənqurma və İnkişaf Bankının (AYİB) Siyasət və Tərəfdaşlıq üzrə vitse-prezidenti Mark Boumanla görüşüb.
Nazir müavini Azərbaycanın Bankla əlaqələrin inkişafına önəm verdiyini, AYİB-in etibarlı tərəfdaş olduğunu, ölkəmizin iqtisadi inkişafına uzunmüddətli və davamlı dəstəyini vurğulayıb. Görüşdə Azərbaycan iqtisadiyyatının şaxələndirilməsi, qeyri-neft sektorunun inkişafı, investisiyaların təşviqi və biznes mühitinin daha da yaxşılaşdırılması istiqamətində həyata keçirilən tədbirlər barədə məlumat verilib.
AYİB-in Siyasət və Tərəfdaşlıq üzrə vitse-prezidenti Mark Bouman Bankın ölkəmizlə səmərəli əməkdaşlığını qeyd edib, Azərbaycanda aparılan iqtisadi islahatların Bank tərəfindən dəstəkləndiyini bildirib.
Tərəflər tərəfdaşlığın mövcud vəziyyəti, birgə layihələrin icrası və perspektiv əməkdaşlıq istiqamətlərini müzakirə ediblər.
Oktyabr 15, 2026 14:28
Azərbaycanın biznes və investisiya imkanları “Rebuild Garabagh” sərgisində nümayiş olunur
Oktyabr 13, 2026 16:37
2026-cı ilin sentyabr ayında Çağrı Mərkəzinə 41 minə yaxın müraciət daxil olub
Oktyabr 09, 2026 16:45
Azərbaycan və Almaniya arasında iqtisadi əməkdaşlıq məsələləri müzakirə edilib
