“Araz Vadisi İqtisadi Zonası” Sənaye Parkının yeni rezidenti tərəfindən Sənaye Parkına 7,3 milyon manat investisiya yatırılacaq, 124 nəfər işlə təmin ediləcək.
İqtisadiyyat Nazirliyinin tabeliyində İqtisadi Zonaların İnkişafı Agentliyinin (İZİA) idarəçiliyində olan “Araz Vadisi İqtisadi Zonası” Sənaye Parkında “İmprotex Qarabağ Sənaye Kompleksi” MMC-yə rezidentlik statusu verilib.
“İmprotex Qarabağ Sənaye Kompleksi” MMC tərəfindən Sənaye Parkının 5 hektar ərazisində minatəmizləyən, xüsusi təyinatlı texnika və metal məmulatların istehsalı müəssisəsi yaradılacaq.
İnvestisiya həcmi 7,3 milyon manatdan çox olan müəssisədə 124 nəfər işlə təmin ediləcək. Zavodda istehsal edilən məhsulların daxili bazarda satışı ilə yanaşı, ixracı da nəzərdə tutulur.
Bu müəssisənin yaradılması işğaldan azad edilmiş ərazilərin minalardan təmizlənməsi prosesinə mühüm töhfə verəcək və bununla da Böyük Qayıdışı sürətləndirəcək.
Oktyabr 15, 2026 14:28
Azərbaycanın biznes və investisiya imkanları “Rebuild Garabagh” sərgisində nümayiş olunur
Oktyabr 13, 2026 16:37
2026-cı ilin sentyabr ayında Çağrı Mərkəzinə 41 minə yaxın müraciət daxil olub
Oktyabr 09, 2026 16:45
Azərbaycan və Almaniya arasında iqtisadi əməkdaşlıq məsələləri müzakirə edilib
